सोमवार, १७ ऑगस्ट, २०२०

 

साखर आंबा तोतापुरी आंब्याचा - sakhar amba totapuri ambyacha

sakhar amba totapuri ambyacha: साखर आंबा नुसते नावं घेतलं तरी आपल्या तोंडाला पाणी सुटत. उन्हाळा संपत आला आणि एक चांगला मुसळधार पाऊस येऊन गेला की आपण सग़ळे लोणचे, साखर आंबा, गु़ळआंबा करायाला सुरवात करतो. हे वर्षभर आपल्याला पुरेल असे आपण करतो. साखर आंबा sakhar amba totapuri ambyacha हा करायला हि सोपा आहे आणि त्याची चव तर अप्रतिम. माझ्या आई म्हणजे माझ्या सासूबाई यांनी मला हि रेसिपी शिकवली आहे. माझ्या घरी सर्वानाच हा साखर आंबा  खूप आवडतो. सगळेच खूप आवडीने खातात. तुम्हीही नक्की करून बघा तुम्हाला हि नक्की आवडेल आणि तुम्ही परत परत कराल. मुलांना तर खूपच आवडतो.. चला तर बघूया तोतापुरी आंब्याचा साखर आंबा कसा बनवायचा....

साहित्य

तोतापुरी आंबा - १/२ किलो

साखर : १/२ किलो

वेलची पूड : १/२ चमचा

लवंग : २ (optional )

कृती

-तोतापुरी आंबे धुऊन चांगले पुसून कोरडी करावे. मग त्याचे वरचे साल काढून जाडसर खिसुन किंवा चिरून घ्यायचे.

-एका पातेल्यामध्ये खिसलेला आंबा आणि साखर मिक्स करून मध्यम ग्यासवर शिजायला ठेवायचा.

-मधून मधुन परतत् रहायचा आणि छान १ तारी पाक होई पर्यंत शिजवायचा.

-साखर आंब्याचा १ तारी पाक तयार झाल्यावर ग्यास बंद करून त्यामध्ये वेलची पूड आणि लवंग टाकून मिक्स करायचे. तुमच्या कडे केशर available असेल तर तुम्ही केशर पण घालू  शकता. हा झाला तोतापुरी आंब्याचा साखर आंबा तयार.

-साखर आंबा थंड झाल्यावर काचेच्या बरणीत भरून ठेवावा.

-हा साखर आंबा नुसता खायला हि छान लागतो आणि चपाती हि सोबत खूप छान लागतो.

-हा साखर आंबा sakhar amba totapuri ambyacha १ महिना बाहेर चांगला टिकतो आणि रेफ्रिजरेटर मध्ये ६ महिने चांगला टिकतो.

टीप

-तोतापुरी आंबा एकदम कच्चा पण नको आणि एकदम पिकलेला पण नको. मध्यम हवा.

-साखर तुम्ही तुमच्या आवडीनुसार कमी जास्त करू शकता

-साखर आंबा हा बनण्यासाठी १० मिनिट लागतात. थोडा कलर बदलायला लागल्यावर ग्यास बंद करायचा.

-व्यवस्तीत पाक तयार झाला आहे कि नाही समजण्यासाठी एका छोट्या डिश मध्ये साखरेच्या पाकचा एक थेंब घालायचे आणि थंड झाल्यावर बोटांच्या साहाय्याने बघायचे.

साखर आंबा चा विडिओ खाली बघा 



0 टिप्पणी(ण्या):

टिप्पणी पोस्ट करा

Find us on YouTube

Popular Posts